ថ្ងៃសៅរ៍ ទី១៧ ខែ​វិច្ឆិកា ឆ្នាំ២០១៨

ធ្លាប់តែឃើញ​តារាស្រី Ice សម្តែងជាតួសុភាព​តែពេលសម្តែង​ជាតួចរឹតប្រុស​ក៏មិនអន់ដែរ

១៧ តុលា ២០១៨

តារាសម្តែងស្រី​របស់ប៉ុស្តិ៍លេខ៣ថៃ Ice កន្លងមកធ្លាប់តែសម្តែង​ជាតួសុភាពៗ តែសម្រាប់រឿង «ច្រឡំស្នេហ៍» ឬ Rakkan Tanlawan នាងត្រូវបានអ្នកដឹកនាំរឿង​តម្រូវអោយសម្តែងជាតួ Tomboy ទៅវិញ តែទោះបីជាបែបណា​ការសម្តែងជាតួTomboy គឺជារសជាតិថ្មីមួយសម្រាប់នាង ​និងមិនចាញ់គ្នា​ពេលដែលនាងសម្តែងជាតួស្រីសុភាពៗដែរ។ 

រឿង «ច្រឡំស្នេហ៍» គឺជារឿងបែបកំប្លែង មនោសញ្ចេតនា ដែលតួឯកសម្តែងដោយ Ice (Tul) ចាប់ដៃគូសម្តែងជាមួយ Nine (Meth) និងតម្រូវអោយIce សម្តែងជាតួTomboy ដែលធ្លាប់បានបែកបាក់ស្នេហា​ជាមួយស្រីៗ​ចំនួនបីនាក់ក្នុងរយៈពេលត្រឹមតែបីឆ្នាំ។ ការបែកបាក់ស្នេហានេះ បានធ្វើអោយTul ខ្លាចរអារនិងចង់ក្លាយជាមនុស្សស្រីដែលមានភាពទាក់ទាញ និងចង់បានសង្សារដែលជាមនុស្សប្រុសវិញម្តង។

មនុស្សប្រុសដំបូងដែលនាងបានលង់ស្រឡាញ់គឺ Suphanut (Daew) ប៉ុន្តែនាងត្រូវបានខកបំណងម្តងទៀតដោយសារតែ Suphanut មានសង្សាររួចទៅហើយ។ Tulគឺជាបុគ្គលិកនៅសួនសត្វមួយកន្លែងចៃដន្យកន្លែងដែលនាងធ្វើការ CEO នៅទីនោះ(Meth) គឺជាមនុស្សដែលនាងធ្លាប់បានស្គាល់ពីមុនមក ប៉ុន្តែស្គាល់ក្នុងកាលៈទេសៈមួយដែលមិនសូវជាល្អប៉ុន្មានព្រោះតែTulធ្លាប់បានដណ្តើមសង្សារពីMethពេលដែលទៅរៀននៅឯក្រៅប្រទេស។ មូលហេតុនេះហើយទើបធ្វើអោយពួកគេទាំងពីរនាក់មិនសូវជាត្រូវគ្នាប៉ុន្មានឡើយ។ ការឈ្លោះប្រកែកគ្នានេះយូរៗទៅបានធ្វើអោយកម្លោះសង្ហារ Meth តាំងចិត្តថានឹងតាមស្រឡាញ់TomboyដូចជាTulអោយទាល់តែបាន។

តើការតាំងចិត្តរបស់Methអាចយកឈ្នះចិត្តTul បានដែរទេ? តើការកែប្រែធម្មជាតិខ្លួនជាស្រីចិត្តជាប្រុសនេះអាចទៅរួចដែរទេ? 
រឿង «ច្រឡំស្នេហ៍» ចាប់ផ្តើមចាក់ផ្សាយចាប់ពីថ្ងៃទី២៤ ខែតុលា ឆ្នាំ២០១៨ វេលាម៉ោង ១២:០០-១៣:០០ថ្ងៃ រៀងរាល់ថ្ងៃចន្ទ-សុក្រ បន្ទាប់ពីរឿង «ស្នេហ៍ក្នុងភ្លើងគំនុំ»៕

ទស្សនាឈុតខ្លី៖ 

Copyright © 2017 PNN TV. All Rights Reserved.